د سلام فرهنګی ټولنی د غمشریکی پیغام

په  ډیری خواشنی  مو واوریدل، چې  د مومند خپرندويې ټولنې  فرهنګپال مشر نصير مومند د ورپېښې ناروغۍ له کبله  په حق رسېدلی دی.
انا لله و انا اليه راجعون.
په تیرو  څه نا څه دیرشو کالونو کې د مرحوم  مومند په زیار  د پښتو او پښتنو لپاره ځانګړی خدمتونونه تر سره سویدی . د پښتنو لیکوالو  تالیفات ، ژباړی  او ټولګو ته یی د خپریدلو مناسب چاپیر یال برابر کړ او په پوره پښتنی مینه یی دې ستر چوپړ ته اوږه ورکړه ، چی له برکته یی د پښتو لوستو نکو  لپاره د بیلا بیلو ذوقونو کتابونه چاپ او د مینه والو تر لاسه ورسول . دا ستر خدمت به یی پښتانه هیر نه کړی .
سلام فرهنګی ټولنه او اړوندان یی  د نصير مومند مړينه د افغاني فرهنګ لپاره يوه درنه ضايعه ګڼی،  د ستر څښتن ( ج)  له درباره ارواښاد ته د فردوس جنت هيله کوو او کورنۍ، دوستانو او ټولو فرهنګي کړيو ته د زړه  صبر غواړو. امین یا رب العالمین .
د سلام فرهنګی ټولنی د مشر تابه په استازیتوب
عتیق الله باوری
دسلام فرهنګی  ټولنی  مرستیال 
هلند - اسن
۲۰۱۴- اپریل - ۲۶