د بابوزی په قلم

د کمپاینونو او ټاکنو څخه زدکړه
 

ښایی هر یو افغان به د کمپاینونو څخه یوه ارزونه ولری ، زه خپل ارزونه ستاسو په وړاندی لیکم :

لومړی ، : په ملیونونو افغانانو د هیواد په بیلا بیلو سیمو کی د بیلا بیلو کاندیدانو په کمپاینونو کی ولوله ایزه ګډون وکړ ، ما نا یی څرګنده ده چی  د سوله ایز و لارو د سیاسی واک پر لیږد باور لری .هیڅ  ډول جګړه ایز فعالیت  نه غواړی او تر هر نوم لاندی جنګ او جګړه غندی .
دوهم : دری ژبو افغانانو په پښتون میشتو سیمو کی ، پښتو ژبو کاندیدانو د دری ژبو وګړو په سیمو کی ، سنی کاندیدانو د شعیه مذهبو په سیمو کی او شعیه مذهبو د سنی مذهبو وګړو په سیمه کی کمپاینونه وکړل .پیغام یی څرګند دی چی د هیواد ولسونه د ژبو او مذهبونو ویش نه منی .
دریم :  افغان ولس خپل څرګند پیام نړیوالو  او کورنیو سیاستوالو ته په ټاکنو کی په خپل فعال ګډون سر څرګنده  کړه چی دموکراسی پخه سوې او په ولسونو کی منل سویده . اوس د نړی سیاستوالو او کورنی سیاسیونو نوبت دی چی د ملی ګټو پر بنسټ د رایو پایلو ته  درنښت وکړی  او د خپلو شخصی ګټو په خاطر هرج او مرج ته زړه ښه نه کړی،اوسنی افغان  ولس  خاموش نه دی . افغانان پوهیدلی دی ، نور یی د تیر ایستلو هڅه مه کوی .