ظالمه زمانه ده
چا وران کړو دا وطن چا تری لوټ کړی خزانه ده
ظالمه زمانه ده ، ظالمه زمانه ده
چه خپل یی ورانوی بیا د پردو نه څه ګیله ده
ظالمه زمانه ده ، ظالمه زمانه ده
هر چا تر خپله وسه دا وطن کړلو خراب
څوک ناست دی بلډنګو کی په ډالر کوی حساب
څوک پروت دی په خیمه کی له یخنی نه شو کباب
هر چا ده غږولی د خپل خوښی ترانه ده
ظالمه زمانه ده ، ظالمه زمانه ده
په نوم د عدالت دی خو خیانت پکی چالان دی
غریب پدی وطن کی د ماړه نس په ارمان دی
دا ملک چاته جنت چاته په مثل د زندان دی
هستی یی رانه لوټ کړه که مو خپل که بیګانه ده
ظالمه زمانه ده ، ظالمه زمانه ده
خلک لاړه تر کیهانه موږ په خپلو کی جنګیږو
پدی عصرو زمان کی د پردو په ډول ګډیږو
نفاق او تربګنی کی هیڅ مطلب ته نه رسیږو
وطن په نامه یو شی صرف همدا یوا چاره ده
ظالمه زمانه ده ، ظالمه زمانه ده
ټینګ عزم افغانی او ورورګلوی مو سعادت دی
وطن ته د با دردو هیواد والو ضرورت دی
یووالی اتحاد زمونږه پوهه دی همت دی
وطن به شی اباد که دا مو عزم او اراده ده
ظالمه زمانه ده ، ظالمه زمانه ده
سمیع الدین افغانی
۲۵ /۲ / ۲۰۰۸
مهاجرت
