تر څو به دا نفاق وی
راځی چه جوړ کړو دغه وران کلی کورونه
ورنو تر څو به دا نفاق وی
راځی چه یو کړو دا خواره واره قومونه
ورنو تر څو به دا نفاق وی
ګدرمو وران پیغلی سرتوری شولی
د ورور ګلوی خبری نوری شولی
کلی بانډی مو رانسکوری شولی
څوبه د بل په لمسون خپل کورورانونه
ورنو تر څو به دا نفاق وی
دا وطن مینه غواړی کار غواړی
بیا جوړولو ته یی زیار غواړی
ښکلو باغچو ته یی ملیار غواړی
تر څو به اورو د پردیو پیغورونه
ورنو تر څو به دا نفاق وی
ورنو تدبیر او علمیت دی به کار
لوړ شجاعت او صداقت دی په کار
بیا رغونی ته همت دی په کار
راځی پوره کړو د کلونو ارمانونه
ورنو تر څو به دا نفاق وی
دا مو د کلو او بانډو وطن دی
دا د ښایست د منظرو وطن دی
د ولسونو ، پرګنو وطن دی
سره جرګه کړو افغانی ټول ولسونه
ورنو تر څو به دا نفاق وی
سمیع الدین افغانی
