ميلمه

ډير مي درته وويل چي خپل مي کړه

وا مي کړه د هيلو غنچه  ګل مي کړه

ما د لا لهانده ژونده وژغوره

يوځل نظر ماتۍ د کاکُل مي کړه

توان د ژوندانه مي را له راوله

مينه شه ،  مين لايو په سل مي کړه

توره بخته ګوره لا په هوښ يمه  

زه خو ورته وايم  ،ياره بل مي کړه

تاخو نږدې  نه کړو بابو زئ  غريب  

ياره اوس ميلمه د عزرائل مي کړه

٢٠٠٨   \  ٠٢   \   ٠٨

 بابوزئ

زيرئ

زيرئ مي درباندي  ، خوله خوږه راکړه
سرې شونډي پر شونډو نذرانه راکړه

ټينګ مي کړه او غيږي ته راودانګه
سترګو کي د ميني کرېشمه راکړه

مه مي پريږده ، ژر ژر را نه وپوښته
سپينه خولګۍ پرانيزه وعده راکړه

زه به په وار وار وايم چي زيرئ  دۍ
ښکل مي کړه  د زيري  شکرانه راکړه

زيرئ مي درباندي خدای مي ومنل
شپه يې ستا په خوا کي  رندانه  راکړه

2008-01-23

د بابوزي يو بل شعر

خيالي بيتونه

پټه په کتو کي مينه خوند کوي

 شنو درو رغوکي مينه خوند کوي

سترګوکي دي مينه شته خو نه وايې  

دا ډول نازو کي مينه خوند کوي

پريږده توري زلفي چي راتاو مي کړي

تورو ترږمو کي مينه خوند کوي

را به دي وړم غيږي لره غوږ به  شم

خوله په خوله ويوکي مينه خوندکوي

ښکاري بابوزي ته مينه درند پېټۍ

دې خيالي بيتو کي مينه خوند کوي

2008.01.16