دمزارلوحه
يوار راخو سه دقبر مي په لور زما
په وږمو خپل معطر کړه راته ګور زما
لږ شيبې به رخصت واخلمه له حورو
ورته وايم چي راځي دسترګو تورزما
څوقطرې اوښکي کوثرپرقبرتوئ کړه
کړه خاموشه له فراقه زړه کي اورزما
که پلو څوکه دي تيره پرمزارسوه
زياتي پاته څه ارمان به وي لانورزما
بله شمع دلحدخواته کړه څيرمه
تنوير نه سو فرشتو باندي خوکورزما
لاس دي تيرپرسپيروکاڼوکړه دقبر
پدې شاني دوفا اداکړه پور زما
مشغولاسره ده حورو سوی راياده
جنت وال ئې کړل حيران کوکاروشورزما
پرلوحه می دمزار په اوښکو ليک کړه :
،،دلته ښخ دی نوزادي په تهمت تورزما،،
دنمارک ٧ مۍ ٢٠٠٦
ورکی لاری
ستا په معصوم معصوم کاتو مي قسم
زما د اهونو په واتو مي قسم
چي هر گړۍ په زړه منگول لگوي
دناز خيالو په تلو را تلو مي قسم
داتوروشپو ته چي ډيوه بلوې
دسپوږمۍ مخ په ځليدو مي قسم
تر منځ که پرېوته ساړه رود ونه
د تاوده ياد په پاتېد و مي قسم
چي بې وطنه لا لهانده گر زم
د ورکو لارو په اغزو مي قسم
ستا يو نظر چي زه پرې نه بد لوم
ها د قارون په خزانو مې قسم
له خپله ژونده راته گرانه ئې ته
د نوزادي په سوگندو مي قسم
د نمارک ۲۰/۰۲/۲۰۰۲
