د هېواد د تکړه  ژورنالست او د افغان اسلامي اژانس مشر حاجي

 محمد يعقوب "شرافت" لومړۍ شعري ټولګه "آبِ حيات" تازه په

 پېښور کې له چاپه راووتله.

 په دوه سوه او پنځويشتو مخونو خور دې کتاب کې د ښاغلي يعقوب

 "شرافت" په بېلابېلو وختونو کې ويل شوي هغه شعرونه راغونډ کړاى

 شوي دي چې د احساس، تجربې او مطالعې لفظي انځورونه دي او د

 ګران هېواد افغانستان درد پکې په دردمنو تورو بيان شوى دى.

 د کتاب تړون په دې ټکو شوى دى " د خپلې مورنۍ مرحومې نيا په نوم

 چې زما د علم او زده کړې په خاطر به يې له ما سره قرانکريم د جومات

 تر دروازې پورې وړلو". ليکنې پرې "د افغان باقي کهسار باقي" تر

 عنوان لاندې ښاغلي همېش خليل، د "يوه هېره کيسه چې..." تر عنوان

 لاندې استاد اصف صميم، د " زيرک صحافي، حساس شاعر" تر عنوان

 لاندې لايق زاده لايق او د "ښاغلي شرافت پر آبِ حيات څو کرښې" تر

 عنوان لاندې فدامحمد فايض کړي دي. د خپرولو چارې يې النور

 نشراتي ادارې او د کمپوزنګ او ډيزاين کار يې عبدالهادي حيران کړى

 دى.

 په زړه راښکونکې رنګه پښتۍ او دوه رنګه معياري کاغذ چاپ شوې

 دا شعري ټولګه تاسې په افغانستان او پاکستان کې د هر کتاب

 پلورنځي څخه په سل افغانۍ ترلاسه کولاى شئ.

  د زياتو معلوماتو لپاره په لاندې تليفون لمبرو او ادرسونو هم تماس

 نيولاى شئ:

تليفون شمېره: 0092-(0)91-5701100

 اي ميل ادرس: 

 ahhairan@yahoo.com