د سلام فرهنګي ټولني خبر يال : نجيب باوري

سلام فرهنګي ټولني د هلند هيواد په اسن ښار کي د((  افغاني لرغوني کلتور ته درناوۍ ))  تر سرليک لاندي د ٢٠٠٥ زيږديز کال د اکتوبر په اومه نيټه د هيواد نامتو موزيم پوه ښاغلي عمراخان مسعودي په وياړ کلتوري غونډه جوړه کړه  . په دې غونډه کي ،  په هلند کي د ميشتو يو شمير افغان ليکوالو او د کلتوري هڅو مينه والو سره يوځای د بلجيم  دافغانانود تفاهم  مرستي اودوستۍ ټولني مشرتابه ، په جرمني کي د کلتوري ودي ټولني مشرتابه او په جرمني د افغان سينما تياتر مرکز مشرتابه  هم ګډون درلود .

د غونډي تر پيل وړاندي ښاعلي حاجي امين باوري ميلمنو ته په سيمه ايز وخت د روژماتي خبرتيا واورول او تر روژه ماتي  ، لمونځ او ډوډۍ خوړلو وروسته د حاجي امين باوري په وياندۍ د غونډي لومړۍ برخه پيل سوه .

                                             د غونډي وياند حاجي امين باوري

 د غونډ وياند په يوه لنډه سريزه کي  د سلام فرهنګي ټولني  د هڅو په اړه وويل :  د سلام فرهنګي ټولني  لومړنۍ بهرنۍ څانګه په (  ٢٠٠٠ ) دوه زره زيږديز  کال  په هلند کي پرانستل سوه چي تر اوس مهاله يې  د خپلو کلتوري اصولو پر بنسټ  خپلو هڅو ته پايښت ورکړيدۍ ، او له دې وروسته يې هم هوډ دادۍ چي و خپلو ټاکلو ارونو ته په پام سره به مخ پر وړاندي درومي  . دې ټولني تر اوسه  په خپل لګښت  پنځه  ادبي او تاريخي کتابونه  خپاره کړيدي . د دوو کلو نو راهيسي  سلام فرهنګي  ټولني په خپل نوم   ( www.salaamtolana.org  ) يوه انټرنيټ پا ڼه په پرله پسې توګه هڅانده ساتلې ده . په هلندکي د ميشتو افغانانو سره يې  د ملي او کلتوري ورځو په نمانځنه کي  پوره او ټاکونکې ونډه  اخستې ده ،او دادۍ اوس يې د هيواد د نامتو موزيم پوه ښاغلي مسعودي په وياړ غونډه رابللې ده چي د ټولني په هڅو کي د خپل ډول  لومړنۍ  ده  . د غونډ وياند د دې  لنډي سريزي د اورولو وروسته  په هلند  کي د سلام فرهنګي ټولني مشر رسول باوري ته  د وينا بلنه ورکړه .

                 په هلند کي د سلام فرهنګي ټولني مشر پوهنوال رسول باوري غونډ ته د وينا پر مهال

پوهنوال رسول باوري دد خپلي وينا په ترځ کي د ښاغلي مسعودي سره د ديرشو کلنوپه ترځ کي  يو څو په زړه پوري خاطرې چي په هغو کي د ښاغلي مسعودي مسلکي پوهه ، کاري سپيڅلتوب ،او د هيواد دلرغونو اثارو سره يې رښتينې مينه برملا کيدل   د غونډ ي برخه والو ته واورولې .

تر هغه وروسته په اروپا کي ميشت د يوشمير کلتوري ټولنو پيغامونه چي د دې غونډي او په ځانګړي توګه ښاغلي مسعودي ته د درناوي لپاره رارسيدلي وه ، ياد سول او د ايسکي په ډول د سويدن څخه  د دوستۍ ټولني  په استازيتوب د ښاغلي حبيب الله غمخور او د دنمارک څخه د افغانانو د علمي مرکز په استازيتوب د ښاغلي هيواددوست  پيغامونه ولوستل سوه .             

د پيغامونو تر لوستلو ورسته په جرمني هيواد کي د کلتوري ودي ټولني مشر زرين انځور ته بلنه ورکړل سوه چي غونډي ته په اروپا کي د ګډو کلتوري ټولنو پيغام ولولې .

                په جرمني کي د کلتوري ودي ټولني مشر زرين انځور غونډي ته د وينا پر مهال

 ښاغلي انځور په اروپا کي د د کلتوري ټولنو د ګډي جرګې له لوري  دمنل سوي ستاينليک  متن ولوست او د هغو ټولنو د استازو د هلند څخه د ښاغلي نظيف تکل او ښاغلي  حسن شور د بلجيم څخه د ښاغلي نجيب احمدزي او د جرمني څخه د ښاغلي داکتر واحد نظري  او ښاغلي  احمد شاه باوري  او ښاغلي غريب  څخه  هيله وکړه چي په ګډه   هغه ستاينليک ورکړي . نوموړو ښاغلو په ګډه ښاغلي مسعودي ته  د هغوۍ د ټولنو له خوا منل سوۍ ستاينليک ورکړ .

د ښۍ خوا : ښاغلۍ احمدزۍ، ښاغلۍ غريب ، ښاغلۍ شور ، ښاغلۍرسول باوري ،ښاغلۍ مسعودي ، ښاغلۍ حاجي امين باوري ښاغلۍ نظيف تکل او ښاغلۍ نظري دستاينليک دورکړي پر مهال ليدل کيږي .

                                        ښاغلۍ مسعودي غونډي ته د وينا پر مهال

بيا ښاغلي مسعودي ته د وينا بلنه وسوه . ښاغلي مسعودي د هيواد دموزيمونو او لرغونو سيمو او دهغوۍ تير مهال ته تر لنډي کتني وروسته  يې د خپلو روانو هڅو او کارونو په اړه د غونډي برخه والو ته په زړه پوري مالومات ورکړل  . نوموړي د خپلي وينا په يوه برخه کي وويل چي : د ملي موزيم کارکونکو د دريو کالو را په ديخوا د افغانستان ملي موزيم ودانۍ ورغول ، په موزيم کي را پاته اثار يې د نندارې لپاره چمتو کړل ؛ په موزيم کي يې د يوه فني او تخنيکي ورکشاپ د پرانستلو زمينه برابره کړل ؛ د دوه زره تاريخي او لرغونو اثارو د ژغورني په هڅوکي  بريالي سول ؛ او تر اوسه يې تر شل زرو تاريخي اثارو د لړۍ کار بشپړ کړيدۍ  ؛ ښاغلي مسعودي د يوشمير ارزښتمنو اثارو د بيا پيدا کولو خبر ه هم وکړه چي د يونسکو او يو شمير بهرنيو هيوادونو او کلتوري موسسو په مرسته ترلاسه سويدي . ښاغلي مسعودي   يوشمير پوښتنو ته هم ځوابونه ويل . د ښاغلي مسعودي  وينا  د ګډونوالو له لوري په پر له پسې چکچکو بدرګه کيدل .

وروسته د غونډي وياند  د ښاغلي واحد نظري څخه هيله وکړه چي په جرمني  کي ميشت د افغان سينما تياتر د مرکز له خوا هغه فلم چي په دې ورستيو کي په جرمني او هلند هيوادونو کي جوړ سوۍ وو ، ډالۍ کړي . بيا ښاغلي واحد نظري او د افغانن سينما تياتر بل غړۍ ښاغلۍ مطيع الله سره سټبج ته راغۍ  لومړۍ يې د سلام فرهنګي ټولني څخه مننه وکړه چي دا داسي غونډي تياري يې نيولې ده او بيا يې  د هجرت په نوم فلم  ښاغلي مسعودي ته وړاندي کړ.

 د غونډي وياند د دواړو ښاغليو څخه په دي اړه مننه وکړه .او بيايې  د يو بل افغان موزيم پوه  ښاغلي حسن شور څخه هيله وکړه چي د ښاغلي مسعودي سره د خپل کار پر مهال خپلي خاطرې د غونډي برخه والو ته واوروي .

وروسته ښاغلۍ شور دريځ ته راغۍ او د خپلو په زړه پورو خاطرو په يادولو يې د غونډي برخه والو ته د ښاغلي مسعودي او د ملي موزيم  په اړه تير يادونه راتازه کړل ، چي د غونډي د برخه والو له خوا په چکچکو بدرګه کيدل  .

                              افغان موزيم پوه ښاغلۍ حسن شور غونډي ته د وينا پر مهال

د ښاغلي شور تر وينا وروسته  دغونډي وياند ښاغلي حاجي امين باوري د سلام فرهنګي ټولني مشر ته بلنه ورکړل چي  په جرمني کي ميشته اغلي خور مينه غريب ته  د سلام فرهنګي ټولني له خوا منظور سوې ډالۍ ( په پښتني دود پوړنۍ  ) وسپاري  . ښاغلي رسول باوري يوځل بيا دښاغلي مسعودي څخه هيله وکړه چي اغلي خور مينه غريب ته  د سلام فرهنګي ټولني ډالۍ  ( پوړنۍ او ستاينليک ) وروسپاري ، وروسته ښاغلې مسعودي دريځ ته راغۍ او برابره سوې ډالۍ يې  په  پښتني دود ميني غريب ته وسپارل ، چي هره لحظه يې د ګډونوالو په تودو چکچکو بدرګه کيدل . وروسته مينه غريب سټيج ته راغلل او د سلام فرهنګي ټولني د مشر تابه څخه يې مننه وکړه چي په ستاينليک او پوړني يې ونازول او هم يې د ښاغلي مسعودي څخه مننه وکړه چي د غونډي د مشر په توګه يې دا ډالۍ ورکړه ، تر هغه وروسته يې  خپل هغه ټوټه نثر ولوست چي د يوې پښتني پيغلي احسا س  پکښي له ورايه څرګند وو .

                                                  اغلې مينه غريب غونډي ته د وينا پر مهال

اغلي مينه غريب د خپلي وينا په يوه برخه کي وويل چي : د یوې پښتنې د پاره د هغې پوړنی څه معنی لري، دا فقط یوه پښتنه احساسولی شي!.بابرزی صاحب یی په خپل خواږه او زړه وړونکی شعر کی زموږ هيواد د شملو وطن گڼی.لکه چی وایي :

 د شملو وطن ته راشه                           چی شملی درته په سر کړو

ته رڼا د ستورو راوړه                            موږ به وینی د زړه درکړو

خو د هیرولو باید نه وي چي د وخت شمله ور د پوړني  تر سیوری لاندي غوړیدلي، روزل شوي او اتلان شوي دي.درنو مشرانو د شملوله وطنه لري تاسو ماته دا پوړنی  را پرسر کړ او ډیره مینه مو راوبخښله، او مسؤلیتونه هم ورسره . نو زه به خپله پوره هڅه کوم چي ددې پور ادا کړای شم. ستاسو د میني او لاس راکښلو تر څنگ دا غواړم یاده کړم چي دا ټولي زما د مور او پلار هڅي وې او دي چي موږ یې مسلمان او پښتانه ساتلي یو. د ميني غريب وينا په پر له پسې توګه د ګډونوالو له خوا په  چکچکو بدرګه کيدل .

بيا په هلند کي د بينوا فرهنګي ټولني او ښکلا مجلې  استازي ښاغلي عبدالله احسان هغه پيغام ولوست چي د سلام فرهنګي ټولني په نوم  د همدې غونډي په اړه را ليږل سوۍ وو .

                      ښاغلۍ احسان غونډي ته د بينواکلتوري ټولني او ښکلا مجلې پيغام لولي

ښاغلي احسان د ښکلا مجلې او بېنوا ويبپاڼي دکارکوونکو په استازيتوب د ټولني د پيغام په ترڅ کي د افغانستان د ملي موزيم ، د تاريخي اثارو د ساتني او په دې لړ کي د ښاغلي مسعودي د هاند او هڅو ستاينه وکړه ، او نوموړي ته يې د پرنس کلاوس د جايزې د ګټلو په مناسبت مبارکي وويله .